السلام عليكم
كل يوم جمعه بيبقى فى تنضيف شامل للقفص والمكان المحيط بيه
حبيت اعرض عليكو طريقتى فى التنضيف الشامل للقفص بتاع الكوكتيل
وانتو تقولى لى رأيكو هل الطريقه دى كويسه وكافيه لحمايه الطيور من الامراض والحفاظ على صحتهم
وكل واحد يعرض لنا طريقه تنضيفه للقفص
فى البدايه بشيل كل حاجة من القفص الاطباق ورق الجريدة اللى فى ارضيه القفص درج القفص
باخد الاطباق وبحطها تحت ميا سخنه اوى واسيبها تتنقع فيها لحد لما اخلص تنضيف القفص
طبعا مش بعرف اشيل القفص واخده انضفه فبجيب بخاخ فيه ميا دافيه وارش بيه القفص كله بكل جوانبه وانضفه بعد كدا بالمناديل (مناديل من غير ريحه )
وطبعا بعد دا بنضف العصافير نفسها 
بونشو طبعا مش بتسبنى فى حالى وكل ماكون بنضف القفص بتيجى ناحيه البخاخ علشان عايزانى ارشها فبضطر انى اغير المياى الدافيه بما عاديه واحميها
وباردوا فى نفس الوقت انضف القفص مرة تانيه
بعد ماهما بيستحموا بقى بيطلعوا يرتبوا ريشهم ويسبونى اكمل
بحط ورقه جريده فى ارضيه القفص
وبعد كدا باخد درج القفص وانقعه فى الميا السخنه وانشفه واحط عليه ورقه جريده باردوا
وادخل الدرج فى مكانه
وبعد كدا اشيل القفص
واشيل الورق اللى تحت القفص وانضف المنطقه المحيطه كلها كويس
دا شكلها قبل ماتنضف
وكل يوم جمعه بحط لهم وصفه التوم والليمون فى الميا
وحاجة هما بيحبوها
زى الجزر او الخيار
طبعا دا التنضيف الاسبوعى اللى بيبقى كل جمعه
الجرنان اللى فى الارضيه بيتنضف كل يوم
الميا بتتغير كل يوم مرة على الاقل
الاكل كل يومين
والحما طبعا بونشو ماتتوصاش بتستحمى كل يوم مرة وساعات مرتين
)
ليست هناك تعليقات :
إرسال تعليق