شرح مبسط للطفرات الجينية في الكوكاتيل

في الحقيقة يسعدني أن أسـاهم في قسم الكوكاتيل بموضوع لشرح مبسط عن الوراثة في الكوكاتيل.. وعلى الرغم من أن الكثير من الأعضاء ممن لديهم الخبرة في هذا المجال قد سبقوني وشرحوا الموضوع ده.. لكن بناءا على طلب من بعض الاخوة المحترمين في المنتدى لي بكتابة موضوع مبسط في وراثة الكوكاتيل فحاولت أني أسرد الموضوع بشكل بسيط وأتمنى من الله أن أكون وفـقت في طرحي الموضوع. بســــــــــم الله.. قبل ما نتكلم عن الصفات الوراثية في الكوكاتيل لابد اننا نتطرق اولا لمصطلح: "الطفرات الجينية" أو Mutations إيـــه هي الطفرات الجينية؟? الطفرة الجينية هي تغير في جزء من الجين أو المادة الوراثية, وقد تؤثر بشكل بسيط أو لا تؤثر إطلاقا على الكائن الحي وهناك طفرة جينية قد تسبب الوفاة, ولكن فيما يخص الطفرات الجينيـة اللي بنتكلم عنها واللي تخصنا كمربـين للكوكاتيل هـي طفـرات الـوان ريـش الطائر وهـي طفرات غيـر ضـارة.. طفرات ألــوان ريـش الكـوكاتيل بتكـون مـن خـلال صبغـتين: 1- الميلانين (المسؤولة عن انتاج اللون الرمادي والبني) 2- الليبوكرومز (المسؤولة عن انتاج اللون الاصفر والبرتقالي) مـثـــــال...: 1- طفرة اللوتينو: وهنا بيحصل إزالة لصبغة الميلانين من على ريش الطائر بالكامل, وبالتالي تغير لون الريش من الرمادي أو البني (الفون) الى اللون الابيض. 2- طفرة الوايت فيس: وهنا بيحصل ازالة لصبغة الليبوكرومز, وبالتالي تغير لون الريش من البرتقالي للون الابيض. ملاحظة: في حالة المزج بين الطفرتين السابقتين بينتج طائر ابيض تماما (البينو). -كيف يتم توريث الطفرات الجينية في الكوكاتيل؟ من المعروف أن الخليـة بتاعة أي كـائن حـي تحتــوي علـى مـجمـوعتين مـن الكروموسومات (مجموعة مستمـدة مـن الأم ومـجمـوعـة مستمـدة مـن الأب) وكـل مجمـوعـة مـنهـم بتتـكون مـن 23 كـرومـوسـوم (22 كرومـوسـوم عـادي وكرومـوسـوم بـيحـدد الجـنس إما X أو Y). ومن المعروف كمان إن خليـة الرجل بتكون XY في حين إن خليـة الانثى بتكون XX, لكن إنما في الطيور عامـة بتكون العملية مقلوبــة, ففي الذكر بتكون XX والانثى بتكون XY. مثـــــــــال: في حالة تزاوج كوكاتيل ذكر مع انثى, زي ما عرفنا ان كل منهم سيعطي مجموعة كروموسومات للجنين, عدد الكروموسومات في كل مجموعة 23 كروموسوم واحد فيهم بيحدد الجنس, احنا هنا حنهتم بالكروموسوم اللي بيحدد الجنس وحـننسى باقي ال 22 كروموسوم.طيب ايه اللي حيحصل؟؟ الذكر زي ما قلنا عنده XX والأنثى عندها XY وبالتالي الذكر حـيدي للجنين واحدة X من الاتنين اللي عنده, إنما الانثى حتدي اما Xاو Y, طيب لو افترضنا انها ادت X يبقه الجنين حيبقه XX وبالتالي حيكون ذكر, انما لو الانثى ادت Y, يبقه الجنين XY وبالتالي حيكون انثى... نرجع للطفرات الجينية.. بعد ما كل من الذكر والانثى إدى الكروموسوم بتاعه للجنين تيجي الطفرات الجينية وتلعب دورها, فتقوم مأثرة على كلا الكروموسومين أو على كروموسوم واحد أو ما تأثرش على أي مـنهم نهائـيا.. التنـوع فـي التـأثيـر ده هـوه اللـي بيـحددلنا إذا كانت الطـفرة دي سائـدة أو متـنحية أو مرتبـطة بالجـنس... 1- الطفرات الجينية السائدة النوع ده من الطفرات مش محتاج عشان يظهر غير إنـه يتكون على كروموسوم واحد بس مـن الإثنين بتـوع الطائر وبالتالي حيتـغير مظـهر الطائر. ومن المعروف ان اللون الرمادي للكـوكاتيل (على الرغم من عدم اعتباره طفره جينية لان هوه ده لون الكوكاتيل الاصلي) هو اللون السائد على كل الألـوان الأخرى سـواء السـائدة أو المتـنحية أو حتـى المـرتبطـة بالـجنس (سيتــم ذكــرهـم لاحـقا). الطفرات اللي من النوع ده بتضم: الكوكاتيل الفضي السائد (Dominant Silver) الكوكاتيل اصفر الخد السائـد (Dominant Yellowcheek). صورة الكوكاتيل الفضي السائد صورة الكوكاتيل اصفر الخد السائد 2- الطفرات الجينية المتنحية بالنسبة للنوع ده من الطفرات بيحتاج عشان يظهر على الطائر أن يكون موجود على الاتـنين كروموسوم مع بعض. فمثلا: طفرة الوايت فيس للطائر عشان تظهر لابد أن تكون موجوده عند الأب والأم معا وبالتالي الجنين حياخد واحدة من الاب وواحدة من الأم فحتظهر عليه صفة الوايت فيس.. أما لو أخــذ طفرة الوايت فيس من الأب بس أو الأم بـس؛ حيبقى حامل للصفة فقط, لكن مش حتظهر عليه صفة الوايت فيس وسيــكون إسمه سبليت أو هجين ويقدر بعد كده يورثه لنص أبــناؤه... الطفرات اللي من النوع ده بتضم: المصبع ( pied )  الوايت فيس (white face), الفالو (فون بس عينه حمراء Fallow) الفضي المتنحي (فضي بعيون حمراء). وزي ما قلنا أن الطفرات الجينية المتـنحية مش هــتظهر إلا لما تكون موجودة على كلا الكروموسومين للطائر, لكن في معظم الأحيان بنلاقي كوكاتيل رمادي أو فون أو فضي وفيـه بقـعة لونها أبـيض (في حالة الوايت فيس) أو أصفر على رأسهم من الخلف. في الحالة دي بيكـون الطـائر هـجين أو سبلـيت مصبع (pied) يعني على الرغم من كون الطفرة الجينية حصلت على كروموسوم واحد فقط إنما ظهـر علـى شكل الطـائر الخـارجـي (دي حالــة خاصة بالمصبع فقــط). صورة للكوكاتيل المصبع أو البايد (pied) صورة للكوكاتيل الوايت فيس صورة للكوكاتيل الفالو (فون بعيون حمراء) صورة للكوكاتيل الفضي المتنحي (فضي بعيون حمراء) 3)- الطفرات الجينية المرتبطة بالجنس زي ما قلنا قبل كدة أن كروموسومات تحديد الجنس هي X و Y النوع ده من الطفرات يـتـم على كروموسوم X فقـط ومـش بيتـم علـى كـروموسـوم Y, وبالتالـي فالانثـى اللـي هـي (XY) لو حصل طفرة مرتبطة بالجنس يبقـى حتـحصل علـى X واحدة فقـط (يعني ما ينفعش نقول انثى سبليت لصفة مرتبطة بالجنس) فمثلا: مينفعش نقول أنثـى سبـليت إيـزابيـل لأن الايـزابيـل طفـرة أو صفـة مرتبطـة بالـجنس يعنـي بتـحصل علـى كرومـوسـوم Xوبما أن الانثـى عندها X واحدة بس يبقـى لازم تكـون إيزابيـل وشـكلها إيزابيـل لكـن مـش سبليـت إيزابيـل.  إنمـا الذكـر (XX) ممكـن تحصـل الطفرة على X واحدة أو الاتـنين مـع بعـض أو ما تحصلـش خالـص.. فمثلا: لو حصلت على كروموسوم واحد مـن الاتنين X اللـي عنده؛ يبقـى إسمـه سبـليت إيـزابيل, ولـو حصـلت علـى الاتنـين يبقـى إيـزابيـل وهـكذا.. الطفرات اللي من النوع ده بتضم: الايزابيل (Pearl) اللوتينو (Lutino) الفون (Cinnamon) البينو (خليط بين صفة متنحية "وايت فيس" وصفة مرتبطة بالجنس "لوتينو"). صورة للكوكاتيل الايزابيل صورة للكوكاتيل اللوتينو صورة للكوكاتيل الفون(Cinnamon) صورة للكوكاتيل الالبينو